Ang mababang Metakognitibong Estratehiya sa Pagbasa ay isang suliraning nakababahala. Sinuri ang papel ng Home Reading Support ng magulang bilang tagapamagitan sa ugnayan ng pagtanaw sa sarili at Metakognitibong Estratehiya sa Pagbasa. Ginamit sa pag-aaral ang Predictive Research Design, random sampling technique, survey approach, at mediation analysis. Batay sa datos mula sa 334 na mag-aaral, natuklasang may makabuluhang tagapamagitang epekto ang Home Reading Support sa ugnayan ng predictor at criterion variables, na nagpapatibay sa Social Cognitive Theory. Inirerekomenda ng pag-aaral ang mas aktibong pakikilahok ng mga magulang, pagpapatupad ng mga programang pampagbasa, paggamit ng angkop na estratehiyang pampagtuturo, at pagsasagawa ng mga kaugnay na pananaliksik upang higit na mapaunlad ang literasiya at metakognitibong kasanayan sa pagbasa ng mga mag-aaral.